මෙය 1988 දී පමණ සාකච්ඡාවට ලක් වූ සංකල්පයකි. ජෝශප් නායි, දයා කිෂාන්, නරේන් චිට්ටි යනාදීන් මේ පිළිබ ඳ  ගැඹුරු අධ්‍යනයන් කරන විද්වත්හු වෙති. තමාන්ට අවශ්‍ය දේ සිදු කිරීමට අන් අය තුළ අවශ්‍යතාවයක් ඇති කිරීමට හැකිවීම මෘදු බලය (Soft Power) ලෙස ජෝශප් නායි අදහස් කර ඇත.  බලය යනු යමක් කිරීමට ඇති හැකියාවයි. අන් අය ලවා යමක් කිරීමට ඇති හැකියාව බලය වන අතර බොහෝ විට එය සිදු කරන්නේ බිය ගැන්වීමකින් නැතහොත් ඒ සඳහා ගෙවීමක් සිදු කිරීමෙනි. දේශපාලන වශයෙන් බලය ව්‍යාප්ත කිරීමට යුද්ධ කරනු ලැබේ එය දෘඩ බලය (Hard Power) වේ.සෑම විටම එය බලපාන ආකාරය අපට පුද්ගලමය වශයෙන්, පුද්ගල සමූහ වශයෙන් හෝ භෞතික වශයෙන් අපට දැනෙන්නකි. එය නිශ්චිතව හඳුනා ගත හැකි වන බලයකි.     නමුත් මෘදු බලය මීට හාත්පසින් වෙනස් ආකාරයක් ගනී. එහි ඇත්තේ සැගවුනු මුහුණතකි. එය හුදෙක් බලපෑමේ හැකියාව පමණක් නොවන්නේය. මෘදු බලය යනු ආකර්ෂණය කරගැනීමට ඇති හැකියාවයි. මේ තුළ අප මෘදු බලයෙහි ගහණයට හසුවූ මොහොත, එහි හැඩය අපට නොදැනේ. එය පුද්ගල මනෝභාවයට, ආකල්ප වලට හා සංස්කෘතික පිළිගැනීම් වලට බලපාන්නක් වන අතර භෞතිකමය ...

            අතීතයේ පටන් සංවර්ධනය වෙමින් පවත්නා රටක් වන අප රට සංවර්ධිත රටක් වන්නේ කෙදිනදැයි කිසිවෙකු නොදන්නේය. ඉන්දියන් සාගරයේ මුතු ඇටය ලෙස නම් දරන්නා වූ අප වර්තමානය වන විට එය නමකටම පමණක් සීමා වී ඇති බව නම් පෙනෙන්නේය. ස්වභා සුන්දරත්වය අතින් කිසිවකුට දෙවෙනි නොවන්නට මිහිකත මාතාව ලබා දී ඇති පරිත්‍යාගයන් එමටය. සොබාදම් මාතාවට පිංසිදු වන්නට ලෝකයේ සෙසු රටවල් අතරින් ඉහළින් වැජඹෙන්නට අපට හැකියාව ලැබී ඇත්තේ එබැවින්ය. එවන් පිංවන්ත භූමියක පරිසරය පිරිසිදුව තබාගමු මැයෙන් බෝඩ් කෑලි මංමාවත් පුරා සවිකිරීමට සිදුව ඇත්තේ සතා සිවුපාවන්ට පෙනෙන්ට නොව මිනිස් සත්වයාගේ අවධානය පිණිසමය. මනසෙන් උසස් යැයි පවසන මිනිස් සත්වයාට තවමත් වටහා ගැනීමට නොහැකිව ඇත්තේද මේ කාරණාවය. වෙනස් විය යුත්තේ කොතැනද?       මිනිසාට උසස් මනසක් ලැබී ඇත්තේ උසස් ලෙස සිතීමට හා කටයුතු කිරීමටය. අද වර්තමානයේ මාර්ගයක ගමන් කිරීමට සිදුවී ඇත්තේ නාසය වසා ගනිමින්ය. කසළ දැමීමෙන් වළකින්න ලෙස සවිකර ඇති පුවරුව වැසෙන්නම කසළ ගොඩ එතැන දමා යන්නට තරම් මිනිස් මනස අපිරිසිදු වී ඇත්තේය. ඇතැමුන් බස් නැවතුම්පළේ හිදි...

     ඉදින් වසරකටත් වැඩි කාලයක් ඔබේත් මගේත් මුළු මහත් සමාජයේත් එකම කතාබහ තවමත් නොනැවතී ඇත්තේ නැවතීමේ තිත තබන්නට හැකි අවසානයක් නොපෙනෙන නිසාවෙනි. එක හැල්මේ එකිනෙකා පරයා තරගයෙන් දුව ගිය මාවතෙහි එකම තැනක සියල්ල රඳවා නවතා ඇත්තේ ආ මග දෙස මොහොතක් හැරී බලන්නට කාලය උදා කරමිනි. වත්පොහොසත්කම්, බල පුලුවන්කාරකම්, තනතුරු තානාන්තර පෙන්වමින් පුහු අණසක පතුරවමින් බලයෙන් උදම් අනමින් සිටියවුන් ඇඳක් මත වැතිරී හුස්ම පොදක් යදින තත්වයට ඇද වැටී ඇත්තේ කොරෝනාවට සියල්ලෝම සමාන බව පසක් කරමිනි. එකිනෙකා අතර අරගලයන් ගොඩනගාගන්නා පංති භේදයන්, කුල භේදයන් හා වර්ග භේදයන් මිනිසා විසින් මවාගත් අර්තශූන්‍ය පුහු වාගාලාප බව පසක් කරවමින් මුලු මහත් ලෝකයාටම සමානාත්මතාවයෙන් සළකන්නට කොරෝනා වගබලා ගෙන ඇත්තේ වචනයෙන් පමණක්    ක්‍රියා ත්මක වූ සමානාත්මතාව    ක්‍රියා වෙන් ඔප්පු කරමිනි. අනෙකා සමග කුළල්කමින් වැට ඉන්නකට ගහමරා ගනිමින් දිනෙක බිම් අගලක් ජය ගත්තවුන් කොරෝනා මාරයා ඉදිරියේ අඩි හයේ සීමාවවත් ජය ගත නොහැකිව දැවී අලු වී යන්නේ මළ දේහයේ හිමිකාරීත්වයවත් නිවසට ලබා නොදෙමිනි. වනාන්තර ගිනි තබමින් ගහ කොළ කපාදමමින...

     ජනමාධ්‍යවල සමාජ හැසිරීම හේතුකරගෙන සන්නිවේදනය හා ජනමතය ලෙසින් සංකල්පයක් නිර්මාණය වී තිබෙනු දැකිය හැක. සන්නිවේදනය ලෙසින් අදහස් කරන්නේ තොරතුරු අදහස් හා ආකල්ප ආදිය හුවමාරු කරගැනීමයි. ජනමතය යනු විවිධ විෂයන් පිළිබද ජනතාව දක්වන  ප්‍ර තිචාරයයි. එය පුද්ගලික කරුණක්, පොදු කරුණක්, දේශීය කරුණක්, ජාත්‍යන්තර කරුණක් ආදී ඕනෑම දෙයක් විය හැකිය. සන්නිවේදනය හා ජනමතය අතර පවතින්නේ දෙආකාර සබදතාවකි. සන්නිවේදනය කෙරෙහි ජනමතයේ බලපෑමත් ජනමතය කෙරෙහි සන්නිවේදනයේ බලපෑමත් යනුවෙන් එය වර්ග කළ හැක.      සන්නිවේදන මාධ්‍ය මගින් ජනතාව වෙත විවිධ කරුණු ඉදිරිපත් කරයි. ඒවා දේශපාලන, සමාජීය හා ආර්ථික කරුණු විය හැක. ජනතාවගේ අවශ්‍යතාවය මත ඒවා තෝරා ගැනීමට මාධ්‍ය කටයුතු කරයි. ජනතාවට අවශ්‍ය කරන්නේ මොනවාද යන්න පිළිබද විමර්ශනයට සන්නිවේදන මාධ්‍ය කටයුතු කරයි. මෙය සන්නිවේදනය හා ජනමතය අතර පවතින සබදතාවයකි. ඇතැම් රටවල් මාධ්‍ය පර්යේෂණ පැවැත්වීම සදහා විශාල මුදලක් වැය කරයි. බටහිර රටවල මේ තත්වය දක්නට ලැබුණද ලංකාව වැනි රටවල එය බහුල ලෙස පැතිර ගොස් නැත. එසේ කිරීමට හේතු වන්නේ යම් සිද්ධියක් වැඩසටහනක් හෝ අවශ්...

     අධ්‍යාපන  ක්‍ෂේත්‍රය  හා එහි ස්වභාවය පදනම් කොටගෙන යුනෙස්කෝව විසින් වර්ගීකරණය කර ඇත්තේ විධිමත්,  අවිධිමත් හා නොවිධිමත් යනුවෙන් තුන් වැදෑරුම් වශයෙනි. එසේම අධ්‍යාපනය පුද්ගලයෙකු තුළ සිදුකරන බලපැම හෙවත් ජීවිත වෙනස ද තුන් ආකාරයකට බෙදා දැක්වීමට අධ්‍යාපන විද්‍යාඥයින් උනන්දු වී තිබේ. ඒ  ප්‍ර ජානනය, ආවේදනික හා මනෝචාලක වශයෙනි. එහිදී බුද්ධිමය සංවර්ධනයත්, හදවත දියුණු කිරීමත්, ක්‍රි යාකාරිත්වය දියුණු කිරීමත් අධ්‍යාපනයේ කාර්යයන් සේ සරලව හ ඳු නාගත හැකිය.      ඉගෙනුම් මෙවලමක් ලෙස ජනමාධ්‍ය යොදාගැනීමේදී ඉහත සියලුම කරුණු පිළිබ ඳ  අවධානයක් තිබිය යුතුය. ජනමාධ්‍ය සළකන්නේ අවිධිමත් අධ්‍යාපන මාධ්‍යක් ලෙසිනි. අවිධිමත් අධ්‍යාපන මෙවලමක් වශයෙන් ජනමාධ්‍යට පුද්ගලයෙකු තුළ  ප්‍ර ජානන, ආවේදනික මෙන්ම මනෝචාලක අංශයන්හි සංවර්ධනයට අවිධිමත් විශාල බලපෑමක් සිදුකළ හැකිය. එනම් පුද්ගලයෙකුගේ දින චර්යාවෙන් සැලකිය යුතු කාලයක් ජනමාධ්‍ය ඇසුරු කිරීම සදහා ගතවන බැවිනි. පුවත්පත කියවීම ගුවන්විදුලියට සවන්දීම සහ රූපවාහිනිය නැරඹීම යන කාර්යයන්ගෙන් කීපයකට හෝ සියල්ලන්ට දෛනිකව මිනිසා...

            සමාජ සන්ධර්භයේදී ස්ත්‍රීය හා පුරුෂයා යන චරිත ද්විත්වය ගත් විට බොහෝ කතා බහට ලක්වන මාතෘකාවන්ය. පොදුවේ දෙපාර්ශවයම සමාජ සත්වයන් ලෙස සළකනවාට වඩා ඊට ඔබ්බෙන් සාකච්ඡාවට ලක් කෙරෙන්නා වූ විශාල කතිකාවක්  ස්ත්‍රීය හා පුරුෂයා සම්බන්ධය ගොඩ නැගී ඇත්තේ ය.  ශාරීරික වෙනස අනුව  ස්ත්‍රී හා පුරුෂ ලෙස වර්ග කරනවාට අමතරව සමාජ සංස්කෘතික සාධකයන් තුළින්  ස්ත්‍රීය හා පුරුෂයා දෙස දෙයාකාරයෙන් බැලීම මෙයට හේතු වේ.  ස්ත්‍රී පුරුෂ භාවය ජී වවිද්‍යාත්මකව උපතින් හිමිවන දෙයක් වන අතර  ස්ත්‍රී පුරුෂ සමාජභාවය ජීව විද්‍යාත්මක නොවන සමාජ සම්බන්ධතා නිසා සකස් වී ඇති සමාජ ලක්ෂණයකි.   පුරුෂ මූලික සන්දර්භය තුළ ස්ත්‍රියගෙ ලිංගිකත්වය යනු නිරතුරු පාලනයට, මැඩීමට නතු වූ දෙයක් බව අප දනිමු. මූලිකවම මෙය සිදු වූයේ අතීතයේ තිබූ  මාතෘ මූලික සමාජය ,  පීතෘ මූලික සමාජයක්   වෙත රූපාන්තරණය වීමේදී නැඟුනු  පීතෘත්වය පිළිබඳ අයිතිය  යන කාරණාවේදී බව කිව හැකිය. (දේපළ පැවරීම යන කාරණය හේතුවෙන්) පිය උරුමයෙහි පාරිශුද්ධ බව රැක ගැනීමට දරුවන්ගේ සුජාත බව වැද...